Գյումրու հանրային խորհուրդ

Այս վեբ կայքը ստեղծվել է

Բաց հասարակության ինստիտուտի օժանդակության հիմնադրամի

Հայաստանյան գրասենյակի

դրամաշնորհային

աջակցությամբ:  

 

Գյումրու ինքնակառավարման որակի բարելավում   Ծրագիր

Գյումրու հանրային խորհրդի մասին

Գյումրու հանրային խորհուրդը իրավաբանական անձ չէ: Այն բաղկացած է անհատ քաղաքացիներից, հասարակական կազմակերպությունների ներկայացուցիչներից, լրագրողներից, պետական եւ տեղական իշխանությունների ու կազմակերպությունների աշխատակիցներից, մշակույթի գործիչներից եւ այլն: Գյումրու հանրային խորհրդի աշխատանքային սկզբունքը բաց ֆորումն է:

Գյումրու հանրային խորհուրդը նախաձեռնվել է 2005-2007 թվականների ընթացքում, այն իր առաջին պաշտոնական նիստը գումարել է 2007 թվականի օգոստոսի 11-ին: Գյումրու հանրային խորհրդի առաքելությունը Գյումրու զարգացման խթանումն է:

Գյումրու հանրային խորհրդի նիստերը բաց են ցանկացած հետաքրքրված ֆիզիկական անձի եւ ցանկացած կազմակերպության կամ հիմնարկի ներկայացուցչի համար: Գյումրու հանրային խորհրդի նիստերի մասին իրազեկումը Գյումրի քաղաքում իրականացվում է առնվազն 2 հեռուստաընկերությունների եթերում հաղորդվող հայտարարությունների միջոցով:

Գյումրու հանրային խորհրդի բոլոր նիստերի բոլոր մասնակիցները հատուկ իրազեկվում են կայանալիք նիստերի մասին, անկախ այն հանգամանքից, նրանք 1 նիստի են մասնակցել, թե` բոլոր: Անհատական իրազեկումն իրականացվում է, հեռախոսով, էլեկտրոնային հասցեներին ուղղվող ծանուցումներով եւ SMS-ներով, կամ դրանցից մի քանիսի կիրառմամբ:

Գյումրու հանրային խորհրդի անդամությունը հստակեցված չէ: Անդամավճար, չնայած մի քանի առաջարկներն, առայժմ չի սահմանված:

Գյումրու հանրային խորհրդի նստավայր չի սահմանված: Գյումրու հանրային խորհրդի նիստերը մինչ օրս ընթացել են Ժուռնալիստների «Ասպարեզ» ակումբի Խոսքի ազատության սրահում: Նիստեր կարող են անցկացվել նաեւ այլ վայրերում:

Գյումրու հանրային խորհրդի նիստերը վարում են խորհրդի նիստերի մշտական կամ ավագ մասնակիցները:

Գյումրու հանրային խորհրդի նիստերի ընթացքում որոշումները կայացվում են համաձայնությամբ եւ ոչ թե քվեարկությամբ: Զանազան հարցերի շուրջ որոշումներ կայացնելիս լինում են մարդիկ ովքեր ձեռնպահություն են հայտնում :

Նիստերի արձանագրությունները կամ սղագրությունները էլեկտրոնային ճանապարհով հղվում են նիստերի մասնակիցներին եւ տեղադրվում են www.menqplus.am ու www.asparez.am կայքերում:

Գյումրու հանրային խորհուրդ զանազան խնդիրների քննարկումների համար հրավիրում է մասնագետների` շինարարներ, բնապահպաններ, ճարտարապետներ եւ այլն: Գյումրու հանրային խորհուրդը խնդիրների լուծումների համար հանդես է գալիս ուղերձներով, հայտարարություններով եւ առաջարկություններով:  

Ստորեւ բերված է ԳՀԽ նիստերի մոդելային պատկերը. յուրաքանչյուր օղակը մի նիստ է, յուրաքանչյուր տիրույթը` այդ նիստին մասնակցելու հետաքրքրություն ցուցաբերած մարդիկ են: Այդպիսով կարող են լինել մարդիկ, ովքեր մասնակցում են 1 նիստի, 2 նիստի, կամ բոլոր նիստերին: A տիրույթը` փաստորեն, ակտիվիստներն են, որոնք բոլոր նիստերին մասնակցում են:

Աշխատանքների համակարգողներն են «Խորան Արդ» ՀԿ նախագահ Սեյրան Մարտիրոսյանը (հեռ. 0312 36918, star@shirak.am)  եւ Ժուռնալիստների «Ասպարեզ» ակումբ ՀԿ խորհրդի նախագահ Լեւոն Բարսեղյանը (հեռ 0312 30622, levon@asparez.am):

Գյումրու առաքելությունը, խնդիրները եւ միջոցները 

ԳՀԽ նպատակն է Գյումրու զարգացման կայունությունը, հաստատուն եւ առաջընթաց զարգացումը

ԳՀԽ Խնդիրներ.

- Քաղաքային խնդիրներով զբաղվողների ոլորտային ներգրավվածություն ԳՀԽ-ում,

- ԳՀԽ մշտական անդամների ներկայանալիության եւ հանրային հաշվետվողականության հարցը-Լ.Աղեկյան, Գյումրու քաղաքապետարանի լրատվության բաժնի պետ,

- ԳՀԽ հաշվետվողականությունը հանրությունը, նաեւ ու±մ -  Հ.Խաչատրյան, Գյումրու քաղաքապետի օգնական,

- ՀՀ ԱԺ Գյումրուց ընտրված պատգամավորների հաշվետվողականությունը հանրությանը եւ ԳՀԽ-ին

- Հանրային միջոցների արդյունավետ օգտագործում,

- ԳՀԽ դերը Գյումրու կառավարման մեջ հանրության արդյունավետ եւ ինտենսիվ ներգրավման մեջ,

- ԳՀԽ մասին հանրային իրազեկում,

- Համայնքի կարիքների ուսումնասիրություն, գնահատում եւ ներկայացում հանրությանը, Ղ.Հարությունյան, Հայ առաքելական եկեղեցու Շիրակի թեմի սոցիալական կենտրոնի ծրագրի ղեկավար, Գյումրու ուսանողական խորհուրդ,

- Նպաստել Գյումրու կառավարման հրապարակայնությանն ու թափանցիկությանը,

- ԳՀԽ ու ԳՀԽ անդամների ռեսուրսների եւ կարողությունների գնահատում, Կ.Պետրոսյան, Գյումրու ուսանողական խորհուրդ ՀԿ

- Օգտակար լինել առավել որակյալ ՏԻՄ ընտրությունների անցկացմանը,

- ԳՀԽ քաղաքի շահերի լոբբինգը

- Իրավապահների աշխատանքի հսկողություն, Գրիգոր Կարապետյան, քաղաքացի

- Նպաստել ՏԻՄ հաշվետվողականություն հանրությանը.

o Համայնքային` ՏԻՄ մրցույթների հսկողություն,

o Համայնքային` ՏԻՄ պատվիրված աշխատանքների եւ գնումների մոնիտորինգ

Միջոցների ցանկ

- Գյումրու ապագայով մտահոգ բոլոր հնարավոր ուժերի, մարդկանց, իրավաբանական անձանց ներգրավում,

- Հեռուստաքննարկումներ,

- Ռադիոհաղորդումներ,

- Տպագիր հրապարակումներ,

- Ինտերնետային իրազեկում, վիրտուալ ֆորումներ, site, chat, blog եւ այլն

- Երիտասարդ կամավորների ներգրավում

- Հանրային կարծիքի ուսումնասիրություններ,

- Հանրային լսումներ,

- Այցելություններ եւ հանդիպումներ թաղերում,

- Այցելություններ եւ հանդիպումներ կրթական, բուժական, մշակութային մարզական եւ այլ հիմնարկություններում, ՀԿ-ներում,

- Սոցիալական հեռուստատեսային, ռադիո հոլովակներ

- Քաղաքապետարանի եւ ավագանու աշխատանքի մոնիտորինգ հանրային շահերի պաշտպանության արդյունավետության համար,

- Քաղաքի զարգացման ռազմավարության մշակում,

- Քաղաքի հանրային շահով շահագրգիռ ուժերի համախմբում,

- Հանրահավաքներ, ակցիաներ, այլ միջոցառումներ,

- Ուղերձներ, արձագանքների եւ պատասխանների հսկողություն եւ վերլուծություն:

Առաջարկությունների եւ լրացումների համար`

levon@asparez.am կամ star@shirak.am

Գյումրու քաղաքապետի թեկնածուներից Կարապետ Ներսիսյանը, հոկտեմբերի 12-ին ժամը 21:14 րոպեին Շանթ (Գյումրի) հեռուստաընկերության ուղիղ եթերում հայտարարեց   Գյումրու քաղաքապետի պաշտոնի թեկնածությունը հանելու մասին: Իր խոսքում նա ավելացրեց, որ իր համար անընդունելի է եղել քաղաքապետի աշխատաոճը եւ այդ պատճառով էր առաջադրել իր թեկնածությունը: »»» 

20 | 09 | 2008 | 10:00 | Լուր

Գյումրու հանրային խորհրդի 7-րդ նիստի որոշմամբ (http://www.menqplus.am/projects/weplus-osi-lg/gpc-meetings-minutes/11-september-2008minuttes-gpc-meeting-7.pdf) ԳՀԽ հատուկ աշխատանքային խումբը մշակել եւ հանրությանն է ներկայացնում Գյումրու Տեղական ինքնակառավարման մարմինների թեկնածուների Վարքականոնի նախագիծ:  »»»